İşğal etilgen Aqyarda avgustnıñ 4-nde saba ava telükesi ilân etilgen edi. Rusiye kontrolindeki şeer yolbaşçısı Mihail Razvojayevniñ malümatına köre, saat 8:30-da ava telükesi ilân etildi ve 8:53-ke qadar devam etti.
Yerli Telegram kanalları «Neptun» raketaları ve uçucısızlar aqqında bildirdi. Sakinler mobil internetinde bozuvlar olğanını qayd etti.
Rusiye Mudafaa nazirligi keçken gece ava mudafaa sistemaları Qara deñizde 18 uçucısız ve Qırımda 11 uçucısıznı urıp tüşürdi.
Rusiyeniñ büyük istilâsı başlağanından ava mudafaasınıñ işi aqqında muntazam sürette haber ete, lâkin yarımadada arbiy infrastrukturanıñ zararlarını tasdıqlamay. Aynı vaqıtta Ukrayina Rusiye Qara deñiz flotunıñ esas bazalarından biri olğan Qırımda arbiy obyektlerge qarşı darbeler aqqında bildire.
